Aparecen decenas de peces muertos en la playa Arrietara de Sopela

Decenas de peces  han aparecido muertos a primera hora de este miércoles, 15 de marzo, en la orilla de la playa Arrietara, en Sopela (Bizkaia). Trabajadores del Departamento de Medio Ambiente del Gobierno Vasco se han acercado al lugar y han comprobado que la calidad del agua es óptima, por lo que se descarta que la causa de su muerte esté relacionada con algún vertido.

Irakurtzen jarraitu

Albisteak, Uncategorized atalean publikatua | , , , , , hitzekin laburtua

Garbiñe Biurrun: “Pertsona orok izan beharko luke bizi proiektu duina garatzeko eskubidea”

Lanbide guztiek dituzte alde onak eta txarrak. Dena den, gaur egun inoiz baino zailagoa da lanpostu bati uko egitea, are gehiago umeen etorkizuna jokoan dagoenean edota familiako kide guztiak lanik gabe geratzen direnean.

Krisia piztu zenetik kaleratze ugari daude egunero, eta badirudi boterean daudenei ez diela ezer axola egoera horrekin amaitu dezakeen neurririk hartzea. Kasu askotan, gainera, bere buruaz beste egitera behartuta sentitu dira kaleratuak; epaile batek kaleratze horren inguruko behin betiko erabakia hartu aurretik.

Halaber, justiziaren independentzia zalantzan jarri da askotan, batez ere epaileen alderdikeria agerian geratu denean. Garbiñe Biurrun EAEko Auzitegi Nagusiko magistratuaren arabera, “epaileek ez dute inolako presiorik jasotzen”, baina egoera hobetzeko gauza asko aldatu behar direla dio.

Irakurtzen jarraitu

Elkarrizketak atalean publikatua | , , , , , , , , hitzekin laburtua | Iruzkin bat utzi

Hondamendia

Amerikako Estatu Batuak eta Europar Batasunak Merkataritzarako akordio bat sinatu nahi dute, TTIP izenez ezagutzen duguna. Txanponaren beste aldean merkatu librearen hitzarmenaren kontrakoak daude, lanpostu ugari suntsitu eta lan baldintzak aldatuko direla salatzen dutenak.

Akordioak gure herriko komertzio txikiei kalte handia egingo die, horren atzean multinazional handien interesak ezkutatzen direlako. Orain arte krisi ekonomikoak gogor kolpatu baditu ere, merkatariek irtenbideak bilatu dituzte. Baina TTIP bezalako hitzarmen batek kalkulaezinak diren ondorioak ekar diezaieke, pobreen eta aberatsen arteko aldea handituz.

Irakurtzen jarraitu

Iritziak atalean publikatua | , , , , , hitzekin laburtua | Iruzkin bat utzi

Biktima ikusezinak

Aste honetako albistea da. Greziako kostaldean «70 haur baino gehiago hil dira irailaren hasieraz geroztik». Egunero milaka pertsona saiatzen dira gudatik ihes egiten, baina horietako askok ez dute euren helburua lortzen eta bidean geratzen dira, betirako. Siriako gatazka 2011n piztu zen, eta, dagoeneko, lau milioi errefuxiatu baino gehiago daude.

Duela aste batzuk, Aylan Kurdiren argazkia famatua egin zen mundu osoan, eta bere gorpuaren irudiak polemika handia sortu bazuen ere, sinbolo bat bihurtu dela ukaezina da. Baina hiru urteko mutikoaren argazkia publikatzea etikoa ote da? Seguruenik, siriarrei galdetzen badiegu erantzuna bestelakoa izango dela. Akaso, munduko agintariek orain arte eman –ez- dieten erantzuna garrantzitsuagoa da beraientzat, neurriak hartu dituztenean berandu izan baita.

Aylan KurdiEuropako herrialde gehienek asilo eskubidea ukatu diete errefuxiatuei, eta, kostata, Europako Parlamentuak ‘birkokatzeko prozedura’ onartu zuen irailean, Aylan Kurdiren irudia ezaguna egin ostean. Gurera ekarriz, Eusko Jaurlaritzak esan du Euskadi prest dagoela errefuxiatuak hartzeko, eta, beraien esanetan, “urrian helduko dira lehenak”. Azaroan gaude jada.

Irakurtzen jarraitu

Iritziak atalean publikatua | , , , , , hitzekin laburtua | Iruzkin bat utzi

Paristik datorren artista…

Artea zer den definitzea oso zaila da –eta are gehiago arte garaikidea-, baina, gizakiok komunikatzeko edota sentimenduak transmititzeko erabiltzen dugun bitartekoa dela esan dezakegu. Hala ere, artea oso erlatiboa da. Izan ere, pertsona batentzat esanahi bat duen artelan batek, beste pertsona batentzat bestelako esanahia izan dezake. Edo ez dela artea pentsa lezake. Argi dagoen gauza bakarra da artea negozio errentagarria bilakatu dela.

Merkatuak artea irentsi du, eta, tristea bada ere, artista askok ez dakizkite bere obren esanahiak azaltzen. Gainera, badira artea zer den ezagutzen ez duten pertsonak, baina etekina lortzeko prest daudenak eta “artista” bezala aurkezten direnak. Besteak beste, Thierry Guetta frantsesaren adibidea dugu. Warhol eta Banksy bezalako artisten artelanak kopiatu izana egotzi diote, egun batetik bestera “artista” bihurtu baitzen.

Kalean, hau da, espazio publikoan egiten den arteari street art deitzen diogu. Normalean, artelan hauek iraupen gutxikoak dira, berehala ezabatzen dituztelako. Askok, mota honetako ekintzak defendatzen dituzte, gune horri bizitasuna ematea lortzen dutelako. Baina beste batzuk, ordea, denonak diren tokietan marraztearen kontra agertzen dira, ez dituztelako legeak errespetatzen eta horiek garbitzeak suposatzen duen kostuagatik.

Irakurtzen jarraitu

Iritziak atalean publikatua | , , , , hitzekin laburtua | Iruzkin bat utzi

Minak oraindik dirau

70 urte bete dira AEBk Hiroshima eta Nagasaki bonbardatu zituenetik. Bigarren Mundu Gerra bukatzear zegoela, Truman AEBetako presidenteak errendizioa eskatu zion Japoniari, baina honek ez zituenez bere nahiak bete, 1945ko uztailaren 6an Little Boy uraniozko bonba lehertzeko agindua eman zuen. Hiru egun beranduago, Fat Man plutoniozko bonba Nagasakin lehertu zuten estatubatuarrek. Ondorioak izugarriak izan ziren; 450.000 hildako guztira, 2013ko datuen arabera. Gainera, hurrengo asteetan ere pertsona ugari hil ziren, bonben erradiazioak eragindako gaixotasunengatik.

Hildako gehienak umeak eta zibilak izan ziren, hasierako helburua baitzen zibilen kontra eraso egitea. Estatubatuar askoren ustez, leherketa hauek bizitza ugari salbatu zituzten, baina Japoniak, aurretik errenditzeko nahia zuen. Hala ere, japoniarrentzako Hirohito enperadorea sakratua zen eta Trumani ez zitzaion interesatzen bonbak jaurti aurretik akordio bat sinatzea.

Irakurtzen jarraitu

Iritziak atalean publikatua | , , , , , , , , hitzekin laburtua | Iruzkin bat utzi

Teknologia berrien menpe

Informazioaren gizartean bizi garela diote adituek. Izan ere, komunikatzeko eta harremanetan jartzeko moduak aldatu egin dira azken hamar urte hauetan. Ondorioz, gizartean emandako aldaketa guztiak, eskoletan  eragina izan dute, eta ‘Informazioaren eta Komunikazioaren Teknologien (IKTen)’ bitartez, txikitatik teknologia berriak maneiatzen erakusten dizkiete irakasleek.

Arratsaldea da. 16:20ean inguru hiru urteko umeak euren klaseetatik irteten hasi dira, bata besteari loturik, pozik, etxera doazelako. Handik hamar minututara, 16:30ean, txirrinak jo du, eta saltoka, lehen hezkuntzako ume guztiak eskaileretatik behera jaitsi dira. Kalera irten bezain pronto, askok gurasoei motxila utzi eta korrika joan dira lagunekin jolastera. Baina beste batzuk, ordea, gurasoen mugikorra hartu, eta bertatik mugitu gabe, atzamarrak mugitzen hasi dira.

ZipiriñeZipiriñe Eskola Sopelako Trokabide kalean kokaturik dagoen ikastetxe publikoa da. Hasieran Virgen del Carmen zuen izena, eta ikasketak egiteko A eredua besterik ez zegoen aukeran. Gerora, D eredua jarri zuten martxan, baina bertan ez zirenez Sopelako ume guztiak sartzen, beste eraikuntza handiago bat egin behar izan zuten. Hainbat urtez arazorik gabe igaro ostean, 2008an bi eraikin berri egin zituzten. Baina momentu hauetan matrikula eskakizun “handia” dute, eta berriro “lekurik gabe” geratu direla dio Marian Yereguik, Zipiriñe eskolako zuzendariak. Izan ere, aurten 818 ikasle matrikulatu dira, eta hurrengo urteari begira, “eskakizun handiagoa” izatea espero dute.

Irakurtzen jarraitu

Erreportajeak atalean publikatua | , , , , , hitzekin laburtua | Iruzkin bat utzi