Andoni Agirregomezkorta: “Nire ametsa honetaz bizitzea da, eta amets hori bete dut”

Euskal aktore eta aurkezle ezaguna da, ‘Hasiberriak’ telesailari esker telebista munduan sartu zen, eta, ondoren, “Vaya  Semanita” programarekin ospea lortu zuen. Hona hemen Andoni Agirregomezkortari egindako elkarrizketa:                                                                                                                                                                                                                                               Nola baloratuko zenuke zure aktore ibilbidea?                                                                                                                                                                                                                    Zorte handiz betetako ibilbide bat izan
andonietbda. Euskal Herrian aktore asko daude, nik izandako zorte bera ez dutenak eta ni bezain beste, edo gehiago, balio dutenak. Zorte handia izan dut irakasleak topatzeko orduan, izan ere, ‘Hasiberriak’ telesaila zuzendu zuenak, gerora “Vaya Semanita” programako zuzendaria bihurtu zen. Beraz, nolabait esanda, ‘Hasiberriak’ telesailean parte hartzeak ate berriak zabaldu zizkidan, nik jakin gabe, eta zazpi edo zortzi urtez aritu naiz lanean, gelditu gabe. Hori ez da gauza normala lanbide honetan.
                                                                                                                      “Vaya semanita”-n elkarrizketak zuk egiten zenituen, zer sentitzen duzu, orain, elkarrizketatua zu zeu izanda?
                                                                                                                                                                    (Barreak). Ziurrenik zuek gaur sentitzen duzuena sentituko nuke, antzekoa den zerbait, urduritasuna. Kazetaritza ikasten zaudete eta badakizue pixka bat elkarrizketa nondik nora eraman behar den, nire kasuan ez zidaten ezer erakutsi, bi aste baino ez nituen izan Josema Yusteri nire lehenengo elkarrizketa prestatzeko.
                                                                                                                                                                Esan beharra daukat ‘Jaiak’ saioan kaleko elkarrizketak  egiten  genituela, baina ez zen gauza bera, eta Josema Yusteri egin nion nire lehenengo elkarrizketan, berak ni lasaitzeaz arduratu zen. Hala ere, oso urduri nengoen, eta, lanbide guztietan bezala, soltura hartzean dago gakoa, lasaitasuna eta norberak bere buruarekin segurtasun hori lortzean. Urte askotako lana izan da, nire kasuan, lasaitasun hori eskuratzea, baina esan beharra daukat elkarrizketak ez direla nire espezialitatea.

Zein izan da egin duzun elkarrizketarik zailena?

                                                                                                                                                                Hasierako elkarrizketa horietan hanka-sartze ugari egiten nituela gogoratzen dut, eta, argi dago horiek ez direla nire elkarrizketarik onenak. Orain, berriz ikusten ditudanean honakoa pentsatzen dut; “joe, ze txarra zaren”, baina, normalean, elkarrizketa zailenak elkarrizketatua berak laguntzen ez duenean izaten da, erantzun sinpleak baino ez dituenean ematen, edota galdera barregarriak egiten dituzunean eta ez duenean besterik egiten. Elkarrizketa batek, eta telebistan areago, erritmo bat jarraitu behar du, eta elkarrizketatuak erritmo hori hausten badu, oso zaila da aurrera jarraitzea.
                                                                                                                                                                    Egindako pertsonai guztien artean, zein izan da gehien gustatu zaizuna? Eta zailena?
                                                                                                                                                                  Nik esango nuke Patxi, “Euskolegas”-eko pertsonaia, izan zela gustukoena, izan ere, bizitzan egin dudan pertsonairik handiena delakoan nago, eta, gainera, denbora askoz oso gustura  eman diot bizitza Patxiri. Hala ere, argi utzi nahiko nuke oso ezberdinak garela biak, izan ere, Patxi Bilbotar petoa da, baina, nik aldiz, Gipuzkoar petoa. Dena den, desberdintasun horretan oso gustura sentitzen nintzen, eta komediarako oso pertsonai erraza zela iruditzen zait.
                                                                                                                                                              Egin ditudan pertsonai guztien artean ez nintzateke gai izango zailena zein izan den esateko, baina, ezagutzen ez nuen norbait imitatzea tokatzen zitzaidanean, edo ezaugarri berezirik ez zuen pertsonaia imitatu behar nuenean, asko kostatzen zitzaidan. Adibidez “Dr. Cabrera”, Iker Jimenez-en laguntzailea imitatu behar izan nuenean, hasieran ez nuen ezagutzen. Bideo batzuk ikusi behar izan nituen eta bestelako ikuspuntua ematen saiatu nintzen, pertsonalitate berri bat sortuz. Imitazioak baino, parodiak egiten dira askotan. Izan ere, ezaugarri bat hartu eta pixka bat handitzen saiatzen gara.
                                                                                                                                                          Zer nahiago duzu antzerkigintza edo telebista mundua? Zeinetan moldatzen zara hoberen?
                                                                                                                                                            Askotan egiten didate galdera hori, baina  inoiz ez dakit zer erantzun. Antzerkiak, telebistak ez duen jendearekiko gertutasuna dauka, berehala hasten dira algarak, eta, hori, ezin duzu telebistan sentitu. Bestalde, telebistak badu beste “magia” bat, antzerkian egin ezin daitezkeen gauzak egin daitezke, efektu ezberdinei eta kamera mugimenduei esker. Azken batean, telebista, ekonomikoki askoz hobeto dago antzerkia baino, hala ere, ez nintzateke gai izango bata edo bestea aukeratzen. Behartzekotan, eta nire etorkizunari begira, telebista aukeratuko nuke ziurrenik, baina gustuagatik ezin dut ezer esan. Halaber, bien artean ez dakit zeinetan moldatzen naizen hobeto. Uste dut telebistan esperientzia handiagoa dudala, ordu gehiago eman ditudalako bertan lan egiten, baina antzerkian ere ez nuke esango gaizki moldatzen naizenik, oso gustura ibiltzen naiz.
                                                                                                                                                        Aktore, aurkezle, eta orain Akonkauan ikusteko aukera izan dugu, denetarik egin duzu, baina, inoiz beteriko ametsik daukazu?
                                                                                                                                                                Bai, nire lanbidea (Barre). Nire ametsa honetaz bizitzea da, eta amets hori bete dudala uste dut, aktore sentitzen naiz eta aktore bezala lan egin nahi dut. Hori, Akonkauakoa baino amets askoz handiagoa eta politagoa izan da.
                                                                                                                                                        “La que se avecina” telesaileko denboraldi berrian kameo bat egin duzu, baita Password lehiaketan ere. Zer nahiago duzu, Euskal Herrian lan egin ala estatu mailan lan egitea?
                                                                                                                                                               Lan egitea nahiago dut, egia esan, berdin dit non. Euskal Herrian askoz hobeto, eta oso fina jartzen banaiz, Miramongo egoitzan, nire etxetik oso hurbil dagoelako. Etxetik zenbat eta gertuago lan  egin, hobe, baina gaur egungo egoera oso zaila da, eta ateak zuk zeuk ireki behar dituzu, edo ateetara jo. Gainera, ate gehiago daude Madrilen, Euskal Herrian baino. Ondorioz, aukerak eta baldintzak onak baldin badira, beti nahiago izango dut etxean lan egitea kanpoan baino.
                                                                                                                                                               Nola sartu zinen EiTBn, norekin hitz egin behar dugu?
                                                                                                                                                                (Barre). Ez, horretarako ni ez naiz oso fiablea, nik zorte handia izan dut. Jende oso potentea ezagutu nuen nire hasierako garai haietan, izan ere, askok bezala, figurante moduan hasi nintzen, extra bezala, telesailetan, eta bere garaian zorte handia izan nuen. ‘Ertzainak’ telesaila Eneko Olasagastik eta Carlos Zabalak zuzentzen zuten figurante moduan sartu nintzenean, eta, geroago, ‘Bi eta bat’ telesaila biek zuzendu zuten baita ere. Hala ere, figurante izan nintzenetik ez nuen berriz haiekin lan egin, ‘Marttin’-eko kapitulu solte batzuetan izan ezik, baina, zorte handia izan nuen beraiekin lan egiteagatik, nigan fijatu zirelako eta beti izan nautelako gogoan.
                                                                                                                                                            Euskaldunok zein motatako umorea daukagu?
                                                                                                                                                  Denborarekin argi gelditu den bezala, pentsatzen zena baino askoz modernoagoa eta ausartagoa den umorea daukagu euskaldunok, eta, “Vaya Semanita” horren froga argia da. Kanpotik ikusita, hasieran pentsatzen zen euskaldunak oso zerioak eta itxiak ginela. Leku batzuetan ideia bera izaten  jarraitzen dute, baina ez da horrela, izan ere, estatu mailan “Vaya Semanita” bezalako programak egiten saiatu ziren, eta ez dute funtzionatu. Gainera, TVEn Oscar Terol-ek aurkezten zuen “Made in China” programan, erregeari buruz skech bat egin zuten, eta ez zen ondo ikusia izan. Hortaz, umore aldetik, euskaldunok, segun eta zeinekin konparatuta, pauso bat aurrerago gaudela esango nuke.
                                                                                                                                                     Egia al da emakumeek, barre eginarazten dituzten gizonak gogoko dituztenaren mitoa?
                                                                                                                                                        (Barre). Topiko asko daude, eta askotan emakume bati galdetzean, barre eginarazten dion gizon bat bilatzen dute, baina beste topiko bat dago, eta honen arabera, gizonezko koadrila batean barre eragiten duena ederraren laguna da. Hortaz, barregarria denarekin barre egiten duzu, baina gero ederrenarekin zoaz. Orduan, ziurrenik, sexualki hitzegiten badugu, barre algarak eragiten dituztenek etorkizun gehiago izango lukete itsusien koadrila batean.
                                                                                                                                                       Twitter zalea zarela argi dago. Zer pentsatzen duzu honetaz?
                                                                                                                                                             Aktoreentzako oso erreminta baliagarria da, izan ere, Twitter bidez jende askorengana heltzeko aukera dago, eta, ondorioz, egiten ditugun boloak, antzerkiak edo saioak iragartzeko oso modu efektiboa da. Gainera, jendearen iritziak jasotzeko balio du, eta, hori, beharrezkoa da, nahiz eta batzuetan arriskutsua izan. Gutxi batzuk iraintzeko erabiltzen dute. Kasu horietan, burua bere tokian mantentzen eta jaramonik ez egiten ahalegintzen naiz.
                                                                                                                                                         Gaur egun bizi dugun krisi garaian, faltan botatzen duzu satira politikoa egiten duen “Vaya Semanita” bezalako programarik?
                                                                                                                                                                 Bai, horrelako programak beti egon beharko lukete, baina politiko eta agintarien etsai handiak dira. Bere garaian, “Vaya Semanita”-k indar asko hartu zuen, baina agintarientzako oso deserosoak dira mota horretako eduki guztiak. Hortaz, telebista publikoetan haien esku dago mota horietako programak egotea edo ez. Telebista pribatuan, aldiz, linea editorial jakin bat jarraitzen dute, ondorioz, ez dituzte telebista publikoetako antzeko edukiak egiten, guk alderdi guztiei eragiten diegulako. Hori, telebista pribatu batean zailagoa izan daiteke, eta oreka alde batera edo bestera mugitzea errazagoa da.
                                                                                                                                                          Zein aldaketa espero dituzu EiTB-n, gobernu aldaketarekin?
                                                                                                                                                             Aldaketak egonogo dira, dudarik gabe. Alderdi bakoitzak telebista publikoa bere gustura moldatzen du, pixka bat bada ere, eta esan daiteke, telebista publikoak ez direla publikoak, baizik eta gobernatzen duen alderdiaren zerbitzura dauden “telebistak”. Adibidez, “Vaya Semanita”-n askatasun handia izan dugu beti. Behintzat, halako programetan horrela jarraitzea espero dut.
                                                                                                                                                      Etorkizunari begira, zer duzu buruan?
                                                                                                                                                                Egia esan, aktoreok ezin diogu askorik begiratu etorkizunari, eta, zuek, horren biktima zuzenak izan zarete. Etorkizunera begira, bizitzea eta lana izatea espero dut.                                                                                                                                                     

                               Bideoa ikusgai:

Advertisements
Post hau Elkarrizketak atalean eta , , , , , , , , laburpen hitzekin publikatua izan da. Gogokoetara gehitzeko lotura iraunkorra.

Utzi erantzuna

Fill in your details below or click an icon to log in:

WordPress.com Logo

You are commenting using your WordPress.com account. Log Out / Aldatu )

Twitter picture

You are commenting using your Twitter account. Log Out / Aldatu )

Facebook photo

You are commenting using your Facebook account. Log Out / Aldatu )

Google+ photo

You are commenting using your Google+ account. Log Out / Aldatu )

Connecting to %s